БНСУ-ын Ерөнхий сайд Ли Наг Ён Солонго 1-2 хорооллын төсөлтэй танилцлаа

Монгол Улсад албан ёсны айлчлал хийж буй Бүгд Найрамдах Солонгос Улсын Ерөнхий сайд Ли Наг Ён 2019 оны 03 дугаар сарын 26-ны өдөр Засгийн газрын ордонд зочлох үеэр Төрийн орон сууцны корпорацийн Ерөнхий захирал Ж.Хичээнгүй нь тус корпорациас хэрэгжүүлэх нийт 5,040 айлын “Солонго-1”, “Солонго-2” орон сууцны хорооллын төслүүдийн загварыг танилцуулан дэлгэрэнгүй мэдээллийг өглөө.
Хоёр улсын Засгийн газар хоорондын хэлэлцээрээр олгох 500 сая ам. долларын хөнгөлөлттэй зээлээр санхүүжүүлэн баригдах “Солонго-1”, “Солонго-2” орон сууцны хорооллын төслүүд нь Улаанбаатар хотын Хан-Уул дүүргийн 10 дугаар хорооны нутаг дэвсгэрт хэрэгжих юм.

Ж.Хичээнгүй: Түрээсийн орон сууцанд орох өрхийг цахимаар бүртгэж, шалгуурын дагуу эрэмбээр сонгоно

УИХ-ын Өргөдлийн байнгын хорооноос өнөөдөр (2018.12.04) “Буянт Ухаа 2” хороололд барьж буй түрээсийн орон сууцны барилгын ажлын явцтай танилцахын зэрэгцээ холбогдох албан тушаалтнуудаас мэдээлэл авах үйл ажиллагааг “Буянт Ухаа 2” хороололд зохион байгууллаа.

Тус байнгын хороонд 700 гаруй иргэдээс  “Түрээсийн орон сууцанд зорилтот бүлгийн иргэдийг хамруулах ажлыг зохион байгуулах журам” нь өндөр босготой, сонгон шалгаруулалтын ажил нь зорилтот бүлэгтээ хүрдэггүй, түрээсийн орон сууцны талаар нээлттэй мэдээлэл хомс, нэгдмэл удирдлагагүй, хүнд суртал ихтэй байна гэсэн гомдол ирүүлсний дагуу өнгөрсөн хавар ажлын хэсэг байгуулан, тулгамдсан асуудлыг шийдвэрлүүлэхээр  тууштай ажиллаж байгаа юм.

Түрээсийн орон сууц хөтөлбөрийн хэрэгжилтийн хүрээнд 2018 оны аравдугаар сард багтаан дөрвөн аймаг болон Улаанбаатар хотод нийт 1562 айлын орон сууцыг барьж дуусган ашиглалтад оруулна хэмээн өнгөрсөн хугацаанд яригдаж байсан ч өнөөдрийг хүртэл ашиглалтад хүлээж аваагүй байна.

Тиймээс Өргөдлийн байнгын хорооны дарга, УИХ-ын гишүүн М.Оюунчимэг тэргүүтэй тус байнгын хорооны ажлын албаныхан “Буянт Ухаа 2” хороололд барьж буй 972 айлын түрээсийн орон сууцны барилгын ажлын явцтай танилцан, холбогдох албаныхнаас мэдээлэл авлаа.

Барилга, хот байгуулалтын яамны ТНБД С.Магнайсүрэн мэдээлэлдээ 972 айлын орон сууцыг Хөгжлийн банкны санхүүжилтээр ирэх оны нэгдүгээр сард багтаан ашиглалтад оруулахаар зорилт тавин ажиллаж байгааг хэллээ.  Тэрбээр мөн 972 айлын орон сууцны хэдэн хувийг түрээсийн орон сууцны санд шилжүүлж, хэдэн хувийг зах зээлд шууд худалдаанд гаргах талаар эцэслэн шийдээгүй, маргааш Засгийн газрын хуралдаанд санал оруулж танилцуулан, шийдвэр гаргана” гэв.

“Буянт Ухаа 2” хорооллын 972 орон сууц нь 2-3 өрөө байр бөгөөд урд өмнөх ашиглалтад оруулсан түрээсийн орон сууцанд хүүхдийн тоглоомын талбай, граж, сургууль, цэцэрлэг, өрхийн эмнэлэг, СӨХ-ны үйлчилгээ зэргийг цогцоор нь төлөвлөхгүйгээр барьсан санал, гомдол иргэдээс гаргасантай холбогдуулан УИХ-ын Өргөдлийн байнгын хорооноос энэ алдааг давтахгүй байх шаардлага тавьж ажилласны үр дүнд орчны дэд бүтэц, тохижилт, сургууль, цэцэрлэгийг энэ удаад цогцоор шийдсэн байна.

Цаашид хямд өртөгтэй, чанартай, түрээсийн орон сууцанд хамрагдах иргэдийн хүсэлтэд тулгуурлан төрийн  болон хувийн хэвшлүүд түрээсийн орон сууцны санг нэмэгдүүлэх талаар энэ үеэр Өргөдлийн байнгын хорооны дарга М.Оюунчимэг албан тушаалтнуудтай санал солилцсон юм.

Түүнчлэн, иргэд орон сууцаа түрээслэнгээ ипотекийн зээлийн урьдчилгаа төлбөрөө бүрдүүлсэн тохиолдолд зээлд хамрагдан, тухайн орон сууцаа худалдаж авах, урт хугацаанд түрээслээд, өөрийн өртгийг нөхсөн тохиолдолд тухайн орон сууцыг өмчлөлдөө шилжүүлэн авах зэрэг  агуулгаар Түрээсийн орон сууцны хөтөлбөр, журамд өөрчлөлт оруулах чиглэлээр Өргөдлийн байнгын хорооноос Засгийн газарт чиглэл болгосон ажлын явцын талаар мэдээлэл сонсов. Барилга, хот байгуулалтын яамны ТНБД С.Магнайсүрэн энэ асуудлыг Засгийн газрын хуралдаанаар хэлэлцүүлэн шийдвэрлүүлэхээр санал оруулахад бэлэн болж байгааг танилцууллаа. Мөн “Бармон” ХХК тодорхой хугацаанд түрээслэнгээ, тухайн орон сууцаа өмчлөлдөө шилжүүлж авах нөхцөлтэй орон сууцнуудыг барьж, ашиглалтад оруулж байгаа талаар хөндөн ярисан юм.

“Буянт Ухаа 2” хорооллын энэхүү 972 орон сууцанд айл өрхүүдийг түрээсээр оруулахдаа урд өмнөх шигээ сугалаагаар хуваарилах уу, өөр журмаар шийдэх үү гэдгийг Төрийн орон сууцны корпорацийн захирал Ж.Хичээнгүйгээс тодруулахад “Түрээсийн орон сууцанд орох хүсэлтэй айл өрхийг цахимаар бүртгэж, шалгуурын дагуу эрэмбээр сонгоно” хэмээв.

“Буянт Ухаа 2” хороололд ийнхүү ажилласныхаа дараа Өргөдлийн байнгын хорооны дарга М.Оюунчимэг хэлсэн үгэндээ, Барилга, хот байгуулалтын яам, Нийслэл, Хөгжлийн банк зэрэг холбогдох байгууллагууд хамтран, нэг зүгт харж ажилласнаар “Буянт Ухаа 2” хорооллын 972 орон сууцыг ашиглалтад оруулахад бэлэн болсон болон цаашид хувийн хэвшлийг энэ ажилд татан оролцуулах боломж нөхцөл бүрдсэн  байгааг онцлон тэмдэглэлээ. Цаашид энэ амжилтаа бататгаж ажиллахыг тэрбээр захилаа.

Дашрамд дурьдахад, 2015-2021 онд “Түрээсийн орон сууц хөтөлбөрийн хүрээнд 20 мянган айл өрхийг түрээсийн орон сууцанд оруулахаар Засгийн газрын тогтоол 2015 онд гарснаас хойш эдүгээ 3000 орчим орон сууцыг түрээсийн орон сууцны зориулалтаар барьж, 1500 орчим айл түрээсийн орон сууцанд орсон тооцоо байна. Үүнээс 500 гаруй өрх айл л зохих журмын  дагуу орсон судалгаа гарч буй учир цаашид зорилтот бүлгийн айл өрхийг хамруулах талаар асуудлыг холбогдох байгууллага, албан тушаалтанд Өргөдлийн байнгын хорооноос тавьж байгаа юм.

БНСУ-ын Газар, орон сууцны корпорацийн төлөөлөгчид ТОСК-д айлчиллаа

46750717_1775106149265694_4640318559640092672_n 46858657_1775106229265686_953404919199563776_n

Өнөөдөр Төрийн орон сууцны корпорацийн ерөнхий захирал Ж.Хичээнгүй БНСУ-ын Газар, орон сууцны корпорацийн (Korea Land & Housing corporation) Төлөвлөлт зохион байгуулалтын хэлтсийн дарга Жан Чун Мо, Олон улсын бизнесийн хэлтсийн ерөнхий менежер Сон Кён Со, БНСУ-Монгол улсын хамтарсан эдийн засгийн форумын төлөөлөгч нарыг хүлээн авч уулзлаа. Уулзалтаар Төрийн орон сууцны корпораци болон БНСУ-ын Газар, орон сууцны корпорацийн хамтын ажиллагааг улам эрчимжүүлж, цаашид хоёр байгууллагын хамтран хэрэгжүүлэх боломжтой төслүүдийг танилцууллаа.

Монгол Улсын Ерөнхий сайд У.Хүрэлсүх Говь-Алтай аймагт

Монгол Улсын Ерөнхий сайд У.Хүрэлсүх Говь-Алтай аймагт ажиллахдаа Төрийн орон сууцны корпорацийн захиалгаар тус аймагт баригдаж буй 120 айлын орон сууцны барилга угсралтын ажлын явцтай танилцлаа. Дээрх 60 айлын 2 орон сууцны барилгын угсралтын ажил 48,5%-ийн гүйцэтгэлтэй байгаа бөгөөд Ерөнхий сайд 120 айлын орон сууцны барилгыг 11 дүгээр сард багтаан ашиглалтанд оруулахыг ТОСК-ийн ерөнхий захирал Ж.Хичээнгүйд үүрэг болголоо.

32130559_2051570065092207_5069357952532480000_n

“ТӨРИЙН ӨМЧИЙН МЕНЕЖМЕНТ-НИЙГМИЙН ХАРИУЦЛАГА 2018” өдөрлөг

Төрийн өмчийн бодлого зохицуулалтын газраас зохион байгуулсан “ТӨРИЙН ӨМЧИЙН МЕНЕЖМЕНТ-НИЙГМИЙН ХАРИУЦЛАГА 2018” өдөрлөгт оролцож Монгол улсын ерөнхий сайдад Төрийн орон сууцны корпорацийн хэрэгжүүлэхэд бэлэн болсон төслүүдийг танилцууллаа. Ерөнхий сайд хөтөлбөрүүдээ яаралтай эхлүүлэх, Засгийн газрын зүгээс дэмжлэг үзүүлэхээ илэрхийллээ

31603028_2048164932099387_4539498170916274176_n 31764742_2048165005432713_126180310885859328_n 31815440_2048164898766057_5704720277175271424_n 31886523_2048165165432697_2235403569874337792_n

Кувейтын элчин сайдтай уулзлаа

31179984_2067347043540870_6423989078617751552_n

УИХ-ын гишүүн, Барилга, хот байгуулалтын сайд Х.Баделхан, Төрийн орон сууцны корпорацийн ерөнхий захирал Ж.Хичээнгүй нар 4 дүгээр сарын 24-ний өдөр Кувейт Улсаас Монгол Улсад суугаа Онц бөгөөд Бүрэн эрхт Элчин сайд Эрхэмсэг ноён Халид Яатийм Аль-фадлитай уулзлаа.
БХБ-ын сайд Х.Баделхан Улаанбаатар хотын агаар, ус, хөрсний бохирдолыг бууруулах, иргэдийг орон сууцаар хангах Монгол Улсын Засгийн газрын тэргүүлэх зорилтыг хэрэгжүүлэхэд чиглэсэн Хан-Уул дүүргийн 10 дугаар хорооны нутаг дэвсгэрт барихаар төлөвлөж буй иргэдийн худалдан авах чадварт нийцсэн 4320 айлын орон сууцны иж бүрэн хорооллын барилгыг буцалтгүй тусламжаар санхүүжүүлэх хүсэлтийг элчин сайдад тавьж, ярилцлаа.
Элчин сайд Халид Яатийм Аль-фадли уг төслийг Кувейт Улсын Засгийн газарт уламжилснаа мэдээлж, шийдвэрлэх боломжийн талаар бүх хүчин чармайлтаа гаргаж ажиллахаа амлав.