Монгол Улсын Ерөнхий сайд У.Хүрэлсүх Говь-Алтай аймагт

Монгол Улсын Ерөнхий сайд У.Хүрэлсүх Говь-Алтай аймагт ажиллахдаа Төрийн орон сууцны корпорацийн захиалгаар тус аймагт баригдаж буй 120 айлын орон сууцны барилга угсралтын ажлын явцтай танилцлаа. Дээрх 60 айлын 2 орон сууцны барилгын угсралтын ажил 48,5%-ийн гүйцэтгэлтэй байгаа бөгөөд Ерөнхий сайд 120 айлын орон сууцны барилгыг 11 дүгээр сард багтаан ашиглалтанд оруулахыг ТОСК-ийн ерөнхий захирал Ж.Хичээнгүйд үүрэг болголоо.

32130559_2051570065092207_5069357952532480000_n

“ТӨРИЙН ӨМЧИЙН МЕНЕЖМЕНТ-НИЙГМИЙН ХАРИУЦЛАГА 2018” өдөрлөг

Төрийн өмчийн бодлого зохицуулалтын газраас зохион байгуулсан “ТӨРИЙН ӨМЧИЙН МЕНЕЖМЕНТ-НИЙГМИЙН ХАРИУЦЛАГА 2018” өдөрлөгт оролцож Монгол улсын ерөнхий сайдад Төрийн орон сууцны корпорацийн хэрэгжүүлэхэд бэлэн болсон төслүүдийг танилцууллаа. Ерөнхий сайд хөтөлбөрүүдээ яаралтай эхлүүлэх, Засгийн газрын зүгээс дэмжлэг үзүүлэхээ илэрхийллээ

31603028_2048164932099387_4539498170916274176_n 31764742_2048165005432713_126180310885859328_n 31815440_2048164898766057_5704720277175271424_n 31886523_2048165165432697_2235403569874337792_n

Кувейтын элчин сайдтай уулзлаа

31179984_2067347043540870_6423989078617751552_n

УИХ-ын гишүүн, Барилга, хот байгуулалтын сайд Х.Баделхан, Төрийн орон сууцны корпорацийн ерөнхий захирал Ж.Хичээнгүй нар 4 дүгээр сарын 24-ний өдөр Кувейт Улсаас Монгол Улсад суугаа Онц бөгөөд Бүрэн эрхт Элчин сайд Эрхэмсэг ноён Халид Яатийм Аль-фадлитай уулзлаа.
БХБ-ын сайд Х.Баделхан Улаанбаатар хотын агаар, ус, хөрсний бохирдолыг бууруулах, иргэдийг орон сууцаар хангах Монгол Улсын Засгийн газрын тэргүүлэх зорилтыг хэрэгжүүлэхэд чиглэсэн Хан-Уул дүүргийн 10 дугаар хорооны нутаг дэвсгэрт барихаар төлөвлөж буй иргэдийн худалдан авах чадварт нийцсэн 4320 айлын орон сууцны иж бүрэн хорооллын барилгыг буцалтгүй тусламжаар санхүүжүүлэх хүсэлтийг элчин сайдад тавьж, ярилцлаа.
Элчин сайд Халид Яатийм Аль-фадли уг төслийг Кувейт Улсын Засгийн газарт уламжилснаа мэдээлж, шийдвэрлэх боломжийн талаар бүх хүчин чармайлтаа гаргаж ажиллахаа амлав.

Ж.Хичээнгүй захирал хичээнгүйлэн ажиллаад завгүй

БЛИЦ:

Боловсрол

1996-2006, Улаанбаатар хот, 23-р дунд сургууль
2006-2010, МУИС, Хими-био инженер (Бакалавр)
2011-2013, МУИС, Эрх зүйч (Бакалавр)
2014-2016, МУИС, Эрх зүйч (Магистр)
2017, МУИС,  Улс төр судлал (Доктрантур)

Ажлын туршлага

2009-2011, Үндэсний хөрөнгө оруулалтын банк, шинжээч
2011-2014, ОССК, Гадаад харилцаа, мэдээлэл технологийн хэлтсийн дарга,  дэд захирал,
2014-2016, ШӨХТГ, Эрх зүй, дотоод хяналтын газрын дарга

Төрийн орон сууцны корпораци /ТОСК/ төрийн өмчит үйлдвэрийн газрын Ерөнхий захирал Ж.Хичээнгүйтэй ярилцлаа. Тэр бол Монгол Улсын Ерөнхий сайд асан, Төр нийгмийн зүтгэлтэн П.Жасрайн ач хүү.

Жил зургаан сарын өмнө тус газрын Ерөнхий захирлаар томилогдсон Ж.Хичээнгүй өмнө ньОрон сууцны санхүүжилтийн корпорацийн Гадаад харилцааны хэлтсийн дарга,  дэд захирлын алба хашиж байсан болохоор туршлагатай, ажлаа ч сайн мэднэ. Данс нь улайсан шахам байгууллагыг ашигтай ажиллах хэмжээнд хүргэж, дараагийн шинэ төслүүдээ эхлүүлж байгаа гээд ТОСК-ийн захирлын ажил гялалзаж яваа бололтой.

Ж.Хичээнгүйг энэ цаг үед төрийн болон бизнесийн байгууллага удирддаг залуу лидерүүд дундаа хамгийн зөв хүмүүжил, хандлагатай нь гэдэг. Хийсэн, бүтээснээ тэр бүр яриад байдаггүй, хариуцсан албаа чимээгүй бөгөөд чамбай үүрдэг нэгэн.

2d4t0p5pv3e7bdl1nm0gg09rn7_b

-Та ТОСК-ийг удирдаад хоёр жил орчим хугацаа өнгөрсөн байна. ТОСК-ийг их хэмжээний өртэй гэж ярьдаг. Энэ үнэн үү гэдэг асуултад эхлээд таниас хариулт авах хүсэлтэй байна?

-Их хэмжээний өрийн асуудал бий. ТОСК-оос Хан-Уул дүүрэгт орон сууцны Буянт-Ухаа 1, 2-р хорооллыг барихад зориулж Монгол Улсын Хөгжлийн Банкинаас196 тэрбум төгрөгийнзээл авсан байдаг. Эдгээр зээлийн хувьд эргэн төлөлт нь хэвийн явж байгаа, зарим нь хугацаа хэтэрсэн зээл ч байгаа. Өмнөх удирдлагуудын үед зээл болон зээлийн хүүгээ хугацаандаа төлөөгүйн улмаас хуримтлагдаж,их хэмжээний өр үүссэн асуудал байсан.

-Зээл, өрөнд тэгэхээр хэдэн төгрөг зарцуулсан гэсэн үг вэ?

-Би 2016 оны аравдугаар сард дансандаа 50 сая төгрөгтэй, цалингаа тавих мөнгөгүй байгууллагыг хүлээж авч байсан. 2013-2014 оны хооронд үндсэндээ зээлийн эргэн төлөлт хийгээгүй. 2015-2016 онд л 26,5 тэрбум төгрөгийн зээл, хүүг эргэн төлсөн, бусад нь өр болж үлдсэнээс байдал хүндэрсэн байсан. Бид Монгол Улсын Хөгжлийн банктайолон удаагийн яриа хэлэлцээр хийж, зарим гэрээнд өөрчлөлт оруулан, зээлийг төлөх ажлыг зохион байгуулж ажилласнаар чамлахааргүй үр дүнд хүрсэн. Зөвхөн 2017 онд л гэхэд ТОСК 30,7 тэрбум төгрөгийн орлоготөвлөрүүлж, 95.5 тэрбум төгрөгийн зээл, зээлийн хүү төлсөн. Үүний зэрэгцээ үйл ажиллагааны зардлаа бууруулж, тодорхой хэмнэлт гаргасан. Үндсэндээ данс нь улайсан байсан байгууллагыг ашигтай ажиллуулж чадлаа. Мөн зарим хөрөнгө оруулалт нэрийн доор бусдад хууль бусаар олгосон санхүүжилтын асуудлыг хууль, шүүхийн байгууллагуудаар шийдвэрлүүлээд явж байна. Одоогоор шүүхийн шийдвэрийн дагуу бусдаас авах 5,5 тэрбум төгрөгийн авлага бий.

-Санхүүгийн хүндрэлээс гарахын тулд авлагын асуудлаа цэгцлэх бас чухалт бололтой?

-Тийм ээ. Тулгамдсан асуудал бол өрөө барагдуулж дуусгах, авлагын асуудлыг шийдвэрлэх ажил байна. Засгийн газрын 38, 169 дүгээр тогтоолоор Түрээсийн орон сууцны санд шилжүүлсэн орон сууцны төлбөр 82,3 тэрбум төгрөг, Засгийн газрын 48, 60 дугаар тогтоолын хүрээнд худалдан авсан Хөдөлгөөнт тоног төхөөрөмжийн зардал 25,2 тэрбум төгрөг, нийт 107,5 тэрбум төгрөгийн авлага байна. Мөн Засгийн газрын 118 дугаар тогтоолын хүрээнд “Юнайтед прожект” групп ХХК нь ТОСК ТӨҮГ-ийн нэрийг ашиглаж, Хөгжлийн банкнаас авсан 50,0 сая ам.долларын зээл зэрэг авлагуудыг Барилга, хот байгуулалтын яам, Сангийн яам, Хөгжлийн банктай хамтран шийдвэрлэхээр ажиллаж байна.Эдгээр авлагын асуудлуудыг шийдвэрлэчихвэл ТОСК санхүүгийн хүндрэлээс гарч, алдагдалгүй ажиллах бүрэн боломжтой болно.

-Та ажлаа хүлээж авснаас хойш нэмж зээл авсан уу?

-Өрийн асуудлаас болж зээл авах боломж хязгаарлагдмал. Тиймээс өрийн асуудлыг шийдэж, ажлын гацааг гаргахадл гол анхаарлаа хандуулж байна. Намайг ажил авснаас хойш ТОСК ямар нэг зээл аваагүй.

-Орон сууцжуулах ажил олон нийтийн дунд хүлээлттэй хэвээр л байна. “Буянт-Ухаа”-гийн араас үргэлжлэх дараагийн том төсөл юу байх вэ?

-“Буянт-Ухаа-2” хорооллын ажил үргэлжилж байгаа. 972 орон сууцнаас эхлээд энэ хорооллын хоёрдугаар ээлжийн төслийн ажлыг эхлүүлэх, Хан-Уул дүүргийн 4-р хороонд “Эко яармаг 1” төслийн хүрээнд 6800 орчим орон сууц бүхий хороолол барих бэлтгэл ажил хангагдаж байна. Ажил сайн явж байгаа.

3bsmg2jf3iq52nslegq1jaipn6_b

29u6v3vekp48p764jo1ltvakom_b

1li9rcb20ftujoaj205vavqrob_b

-Энэ онд ТОСК ямар ажил хийхээр төлөвлөж байна вэ?

-ТОСК ТӨҮГ-ыг хүмүүс барилгын компани гэж эндүүрч ойлгоод байна. Бид бол төрийн өмнөөс төслийн менежментийг хийж байгаа. Манай Буянт-Ухаа 1, Буянт-Ухаа 2, орон нутгийн барилгуудыг бүгдийг монгол барилгын компаниуд барьж гүйцэтгэсэн эдгээр компанийн ард 100 гаруй туслан гүйцэтгэгч, 4-5000 гаруй монгол барилгачид байдаг. Өнөөдөр ТОСК ТӨҮГ-ын төсөл хөтөлбөрүүд хэрэгжсэнээр дотоодын барилгын компаниуд тогтвортой ажилтай байх боломжтой нэг  нөхцөл юм.

Эн онд бид Улаанбаатар хотын ХУД-т баригдаж буй дуусаагүй 972 айлын орон сууц, СБД-т “Хангай хотхон”-д 720 айлын орон сууц, СХД-т 108 айлын “Ирээдүй” хороолол, Орхон аймаг 315, Говь-Алтай аймаг 120, Хөвсгөл аймаг 135, Дундговь аймаг 20 айлын орон сууцны дуусаагүй барилгуудыг бүрэн дуусгах ажлыг хийхээр төлөвлсөн байгаа.

Удахгүй зургаан сарын хугацаанд хот  болон орон нутагт нийлээд 2000 айлын орон сууц ашиглалтад орно. Дээрээс нь нэмээд ТОСК шинээр хэрэгжих төсөл, хөтөлбөрүүдийнхээ техник, эдийн засгийн үзүүлэлт болон хөрөнгө оруулалтын асуудлыг ерөнхийдөө шийдвэрлэж байна. Үүнтэй зэрэгцээд түрээсийн орон сууц худалдан борлуулах, цаашлаад түрээслээд өмчлөх орон сууц ерөнхийдөө баригдаж эхлэх байх.

3g85rtt6r3uccgv2eoul2bccob_b

эх сурвалжыг https://www.grandnews.mn/content/read/157355.htm

 

​Г.Шагшжав: Тогтоол гарвал аравдугаар сараас иргэдэд орон сууц түрээслүүлнэ

Төрийн орон сууцны корпорацийн Гэрээ хөрөнгийн удирдлагын газрын түрээсийн мэргэжилтэн Г.Шагшжаваас түрээсийн орон сууц хаана баригдаж байгаа, хэзээ ашиглалтад орох, тухайн орон сууцад хамрагдах иргэдэд ямар шалгуур, нөхцөл тавигдах талаар тодрууллаа.

-Түрээсийн орон сууц хөтөлбөрт хамрагдах хүсэлтэй иргэдийн сонирхлыг ашиглаж, хуурамч линк сошиал орчноор ихээхэн тархаж, иргэдийг хуурч, бухимдуулж байна. Ер нь Төрийн орон сууцны корпорацаас энэ жилийн хувьд түрээсийн орон сууцыг хаана барьж, байгуулахаар төлөвлөж байгаа вэ?

-Төрийн орон сууцны корпорацын захиалгаар баригдаж байгаа Буян ухаа-II хорооллын хоёрдугаар ээлж буюу 18 барилга 972 айлын орон сууц одоогоор 60 хувийн гүйцэтгэлтэй байна. Харин орон нутагт Говь-алтай, Дундговь, Хөвсгөл, Орхон аймагт баригдаж байгаа байр 23-60 хувийн гүйцэтгэлтэй баригдаж байна. Уг орон сууцыг барьж ашиглалтад оруулсны дараа Засгийн газрын тогтоолоор түрээсийн орон сууцны санд шилжүүлбэл, 2018 оны 10, 11 сард түрээсийн орон сууцтай болох боломжтой. Ер нь аравдугаар сард багтаан барилгын ажлыг дуусгаж, улсын комисст хүлээлгэж өг гэсэн тогтоол гарсан байгаа. Энэ хугацаанд багтаан дуусгахаар ажиллаж байна.

-Хэрвээ Буянт ухаа-II хорооллын байр түрээсийн санд шилжвэл түрээсийн төлбөр хэчнээн төгрөгийн үнэтэй байх юм бэ?

-Түрээсийн орон сууцны үнийн талаарх Барилга, хот байгуулалтын сайдын 2017 оны 25 тоот тушаал байдаг. Үүнд орон нутагт м2 4500, нийслэлд м2 6000 төгрөгийн түрээсийн ханштай байна гэж заасан байдаг. Тэгэхээр Буян ухаа-II хороолол түрээсийн орон сууцны санд орвол уг тушаалын дагуу үнээр түрээсэлнэ гэсэн үг.

-Буянт ухаа-II хорооллын байрыг түрээсийн санд шилжүүлбэл түрээслэх иргэдэд ямар шалгуур, нөхцөл тавих юм бэ?

-Зорилтот бүлгийн иргэдийг түрээсийн орон сууцад хамруулах журам байдаг. Үүнд найман зорилтот бүлгийн иргэдийг хамруулна гэж заасан. Тухайлбал, залуу гэр бүл, төрийн албан хаагч, хувийн байгууллагад ажиллагсад, өрх толгойлсон эцэг, эх, дөрөв ба түүнээс дээш хүүхэдтэй өрх, ахмад настан, хөгжлийн бэрхшээлтэй иргэн, байгалийн гамшигт нэрвэгдсэн өрх хамрагдана. Тавигдах шаардлага гэвэл инженерийн шугам сүлжээнд холбогдсон өөрийн өмчлөлийн орон сууцгүй байх, түрээсийн төлбөр болон ашиглалтын зардлаа төлөөд өрхийн амьжиргаагаа залгуулах хэмжээний орлоготой байна. Өрхийн орлогоос нь хамааруулан орон сууцны метр квадратын хэмжээг нь ТОСК-оос хуваарилдаг.

-Бүрдүүлэх бичиг баримтын хувьд?

-Үл хөдлөх хөрөнгийн лавлагаа, ТОСК-оос батлагдсан өргөдлийн маягт бөглөнө. Хорооны тодорхойлолт, зээлийн лавлагаа, өрхийн орлого багтана. Мөн зорилтот бүлгээс хамааруулан ахмад настан бол төрөөс авсан гавьяа шагнал, хөгжлийн бэрхшээлтэй иргэн бол хөдөлмөрийн чадамж алдсан хувь хэмжээ, төрийн албан хаагч бол төрийн байгууллагад хэдэн жил ажилласан лавлагааг шаардлагатай.

-Хэдэн хувиар хөдөлмөрийн чадамжаа алдсан иргэн түрээсийн орон сууцад хамрагдах боломж юм бэ?

-Зорилтот бүлгийн өрхийг түрээсийн орон сууцад хамруулах журамд хөгжлийн бэрхшээлтэй иргэнийг хөдөлмөрийн чадамж алдсан хувь хэмжээгээр нь эрэмбэлдэг. Тухайлбал, хөгжлийн бэрхшээлтэй ангилалд 100 орон сууц шилжүүллээ гэж бодоход 200 иргэн материалаа өгсөн тохиолдолд тухайн иргэдийг хөдөлмөрийн чадамж алдсан хувиар нь эрэмбэлээд эхний 100, 90, 80 хувийн хөдөлмөрийн чадамж алдсан буюу өндөр хувиар хөдөлмөрийн чадамж алдсан иргэдийг эхний ээлжид хамруулдаг.

-Буянт ухаа-II хороолол түрээсийн санд шилжвэл хэзээнээс иргэдийн материалыг авч эхлэх вэ. Ингэхдээ бичгээр авах юм уу, вэб хэлбэрээр авах юм уу. Бичгээр авахад иргэдийн дунд ихээхэн оочир дараалал үүсдэг?

-Уг орон сууцыг улсын комисс хүлээж авсны дараагаар Засгийн газраас түрээсийн орон сууцны санд шилжүүлсэн тогтоол гарсны дараа иргэдээс материал авч эхэлнэ. Өмнө нь 2016 оны гуравдугаар сарын 21-нээс дөрөвдүгээр сарын 1-ны өдөр хүртэл 10 хоногийн хугацаанд иргэдээс бичгээр материалыг нь авч байсан. Харин  Буян ухаа-II хоёрдугаар ээлжийн барилга түрээсийн орон сууцны санд шилжвэл иргэдээс материал хүлээж авахдаа ямар байдлаар авахыг зөвшилцөж байгаа. Иргэдээс материалыг бичгээр авахаар хүн болгон хамрагдаж байгаа ч оочир дараалал үүсэх тал байдаг. Харин цахимаар авахад ахмад настан, хөгжлийн бэрхшээлтэй иргэд цахим сүлжээнд холбогдож чаддаггүй гэсэн санал хэлдэг. Тэгэхээр тухайн үед нь шийд гаргаад мэдээлнэ.

-Түрээсийн орон сууцад хамрагдах шалгуур, нөхцөлийг хангасан олон иргэд байгаа. Тэгэхээр шалгаруулалт нь яаж явагдах юм бэ?

-Шалгаруулалтын хувьд өмнө нь цахим сугалаа сугалж байсан. Нийт бүртгүүлсэн иргэд зорилтот бүлэг тус бүрээр сугалдаг байсан. Сүүлд Барилга, хот байгуулалтын сайдын 2017 оны 26 тоот тушаалаар зорилтот бүлэг тус бүрээр нь эрэмбэлдэг болсон. Тухайлбал, төрийн албан хаагч гэхэд төрд ажилласан жилээр нь эрэмбэлнэ гэсэн үг. Залуу гэр бүл гэхэд хамгийн олон хүүхэдтэйгээр, хөгжлийн бэрхшээлтэй иргэнийг хөдөлмөрийн чадамжаа алдсан хувь хэмжээгээр нь, байгалийн гамшигт нэрвэгдсэн бол байгалийн гамшигт нэрвэгдсэн огноогоор нь, өрх толгойлсон эцэг, дөрөв ба түүнээс дээш хүүхэдтэй гэр бүлийг хүүхдийнхээ тоогоор эрэмбэлнэ.

-Сүүлийн түрээсийн орон сууц сонирхож байгаа иргэдийн сонирхлыг ашиглаж түрээсийн орон сууцны талаар хуурамч линк сошиалаар маш явж байгааг ярилцлагын эхэнд дурдсан. Тэгэхээр иргэд түрээсийн орон сууцтай холбоотой үнэн мэдээллийг хаанаас авч болох вэ?

-Төрийн орон сууцны корпорацийн албан ёсны вэб сайт, фэйсбүүк хуудаг байдаг. Энэ хуудаснаас албан ёсны үнэн зөв мэдээллийг авч болно.

Монгол улсын Ерөнхий сайд У.Хүрэлсүхийн БНХАУ-д хийж буй айлчлалын хүрээнд Монгол, Хятадын бизнес форум эхэллээ.

2 dah medee ni zurag

Монгол улсын Ерөнхий сайд У.Хүрэлсүхийн  БНХАУ-д хийж буй айлчлалын хүрээнд Монгол, Хятадын бизнес форум эхэллээ. Монгол, Хятадын компаниуд түүхэн буюу 4.6 тэрбум долларын хөрөнгө оруулалтанд гарын үсэг зурах гэж байна.

БНХАУ-ын China State Construction Engineering Company”-“Төрийн орон сууцны корпораци” ТӨҮГ хоорондын харилцан ойлголцлын санамж бичиг

30629528_2037148473201033_3871926851433660416_nМонгол улсын ерөнхий сайдын айлчлалын хүрээнд өнөөдөр БНХАУ-ын China State Construction Engineering Company”-“Төрийн орон сууцны корпораци” ТӨҮГ хоорондын харилцан ойлголцлын санамж бичиг үзэглэлээ