Иргэдийн амьдралд хамгийн ойр, үл хөдлөх хөрөнгийн зах зээл бол орон сууцны зах зээл юм. Энэхүү зах зээлийн чиг хандлага сүүлийн жилүүдэд тогтворгүй, үнийн өсөлт бууралт ажиглагдсан хэвээр байна. Барилгын Зөвлөгөө Мэдээллийн Төвөөс шинэ орон сууцны үнэ ханшийн судалгааг гаргахдаа Улаанбаатар хотын хэмжээнд баригдаж буй орон сууцны үнийг нийтэд нь гаргах биш, дүүрэг дүүргээр нь буюу зэрэглэлээр гаргадаг.
Энэ 12-р сарын судалгаанаас үзэхэд нийслэлийн 7 дүүрэгт 140 гаруй барилгын компани бүтээн байгуулалтын ажил өрнүүлж, нийт 43,400 айлын 219 төсөл хэрэгжиж байгаагаас 2014 оны сүүлийн хагаст 89 төслийн 15351 айлын орон сууц ашиглалтанд орохоор байна.
