Улсын их баяр наадмын ЗТБХБЯ-ны сайд Х. Баттулга салбартаа хийгдэж байгаа ажлуудын явцтай танилцлаа. Сайдын хамгийн түрүүнд очсон газар нь орон сууцны 14-р хорооллын ажилтай танилцлаа. Энэ хороололд 1400 айл оршин суудаг бөгөөд хотын төвдөө ойрхон байрлалтай учир агаарын бохирдлыг их хэмжээгээр үүсгэдэг учраас оршин суугчидтай тохиролцон эхний хэсгийн ээлжийн барилгыг ашиглалтанд өгөөд байгаа бөгөөд дараа дараагийн барилгын ажилд саад болж байгаа асуудал нь 1400 айлын 1000-аад айл нь газраа чөлөөлж өгөөд 2 өрөө байр авахыг зөвшөөрч байгаа бол 400 айл нь их хэмжээний мөнгө шаардаж байгаа учраас энэ ажил удаашралтай болчихоод байгааг холбогдох хүмүүс сайдад тайлбарлаж байлаа.
Зарим айл нь газраа чөлөөлж өгөхийг зөвшөөрөөд 2-3 жил болж байгаа бөгөөд “нэгэнт буулгах хойно” гэсэн бодлоор гэр орондоо засвар ч хийж чадахгүй байгааг энэ үед сайдад хэлж байлаа. Нэг хэсгийн эрх ашиг аясыг харж нөгөө хэсгийн эрх ашгийг зөрчсөн энэ асуудлыг салбарын сайд анхааралдаа авсан болов уу? Энэ хороололын ихэнх айл газраа чөлөөлөлж өгөхөд бэлэн байгаа учраас олонхийн саналыг үндэслэн албан хүчээр газар чөлөөлөлт явуулах боломжтой гэсэн саналыг ч хэлж байсан юм. Уг нь энэ газрыг бүрэн чөлөөлж чадсан тохиолдолд 2020 он гэхэд 15,000 айлын 60 мянган хүн оршин суух,14 га газарт ногоон байгууламжтай 25 давхар орчин үеийн загвартай орон сууцны хороолол сүндэрлэх боломжтой болно.
Сайдын дараагийн очсон газар нь Налайхын Хонхорт баригдаж байгаа Канад технологоор баригдаж байгаа барилгын ажилтай танилцлаа. Энэ технологи нь цементэн барилгаас 30-40 дахин хямд, 3 дахин хурдан баригдах мөн өвлийн улиралд ч барилгын ажил хийх боломжтой, салхи шуурга, газар хөдлөлтөнд тэсвэртэй гээд олон давуу талтай юм. Канад технологийг монголд нутагшуулж байгаа гол шалтгаан нь 2010 онд баталсан “Шинэ бүтээн байгуулалт” хөтөлбөрт тусгагдсан хөдөө орон нутагт “Шинэ сумын төв” байгуулах ажлыг хийхэд дөхөмтэй болох юм. Учир нь барилгын материалын үнэ өссөн үед алслагдсан хөдөө орон нутаг руу барилгын материал зөөх өртөг өндөр, улсын төсвөөс баталсан хөрөнгө мөнгө бага учраас энэ технологийг нэвтрүүлж байгаа бөгөөд манай орны уур амьсгалд Канад мод хамгийн тохиромжтой.
Энэ технологоор аймаг сумдуудад сургууль, цэцэрлэг, соёлын төв барих ба эхний ээлжинд дэд бүтцийг дагасан 96 сумдад барих төлөвлөгөөтэй ажиллаж байна. Дараагийн танилцсан ажил нь 5-н шарын замын ажил байлаа. Замын ажил үндсэндээ дуусч байгаа бөгөөд энэ чиглэлийн замыг баяр наадамтай холбогдуулан өнөө шөнө нээгээд наадмын дараа өдрөөс ахин хааж давхар хучилтыг хийх юм. Баяр наадмын өдрүүдэд өмнө нь хаалттай байсан бүх замууд нээгдэх юм байна.
