Өнгөрсөн оны 4-р улиралын байдлаар шинэ орон сууц 1м2 нь 2,013,180 төгрөгийн үнэ ханштай байлаа. Үүнийг 2014 оны эхний хагас жилтэй харьцуулбал 5,93 хувиар буурсан үзүүлэлттэй байгаа юм. Харин 2013 оны мөн үетэй харьцуулахад 11,7 хувиар буурсан үзүүлэлттэй гарчээ. Орон сууцны үнэ буурах болсон шалтгааныг эдийн засаг хямарч иргэдийн худалдан авах чадвар муудсан, банкуудын зээлийн нөхцөл чангарсан зэргээс үүдэлтэй хэмээн тайлбарлаж байна.
