Улиран одох цаг хугацаа, угтан золгож буй шинэ оны халуун дулаан уур амьсгал, гэрэл гэгээтэй бүхнийг Монголчууд та бүхэндээ хүсэхийн ялдамд морилон ирж буй туулай жилдээ айл бүхний амьдрал аз жаргалаар бялхаж, эрүүл энх, амар амгалан байж, санасан бүхэн тань сэтгэлчлэн бүтэхийн ерөөл өргөе.
Бүтээн босгох хөгжин дэвжихийн эрмэлзлэл хүн бүхний сэтгэлийн галыг бадраасан, аз жаргалтай үйлс ундарсан эх орныхоо төлөө эвийг эрхэмлэн, эрч хүчээ нэгтгэн ажиллах цаг нэгэнт иржээ.Та бүхэн сар шинэдээ сайхан шинэлж айл хотол, ахан дүүсээрээ элгээрээ энх амгалан төрлөөрөө түвшин амгалан байх болтугай.
ОРОН СУУЦНЫ САНХҮҮЖИЛТИЙН КOРПОРАЦИЙН ГҮЙЦЭТГЭХ ЗАХИРАЛ Ж.АЛДАРЖАВХЛАН
