Барилга, хот байгуулалтын яам, БНСУ-ын “Колон глобал корпорэйшн” ХХК-ийн хооронд орлогод нийцсэн “Солонго-1 орон сууцны хороолол” барих төслийн гэрээг өнөөдөр /2023-08-28/ байгууллаа. Гэрээнд БХБЯ-ны Төрийн нарийн бичгийн дарга С.Магнайсүрэн, БНСУ-ын “Колон глобал корпорэйшн” ХХК-ийн Дэд ерөнхийлөгч Жо Хүн Чул нар гарын үсэг зурав.
БНСУ-ын Засгийн газрын хөнгөлөлттэй зээлээр баригдах “Солонго-1, 2″ орон сууцны хорооллыг барих гүйцэтгэлийн гэрээ ийнхүү албажсанаар нийслэлийн ХУД-ийн 21 дүгээр хорооны нутаг дэвсгэр, Буянт-Ухаа нисэх онгоцны буудлын зүүн талд, 17.5 га талбайд 5002 айлын орон сууцны хороолол барих төсөл гараанаас гарч, барилга угсралтын ажлыг эхлүүлэхээр боллоо.
Тус хорооллыг БНСУ-ын Эксим банкны Эдийн засгийн хамтын ажиллагааны сан /EDCF/-ийн жилийн 0.15 хувийн хүүтэй, 40 жилийн хугацаатай, 266.9 сая ам.долларын хөнгөлөлттэй зээлийн санхүүжилтээр 40 сарын хугацаанд барьж байгуулах юм.
![](https://tosk.gov.mn/wp-content/uploads/2023/08/369980610_629266762671098_8472951938583842870_n.jpg)
![](https://tosk.gov.mn/wp-content/uploads/2023/08/370336501_629266676004440_5507260967483204078_n.jpg)
![](https://tosk.gov.mn/wp-content/uploads/2023/08/369997050_629266529337788_6753947310889545530_n.jpg)