2010 онд баталсан орон сууцны талбай тооцох аргачлал MNS:6058 стандарт гарснаар орон сууцны борлогдох цэвэр талбай даруй 10-15 хувь багассан. Улмаар энэхүү алдагдлыг төсөл хэрэгжүүлэгчид борлуулах үнэд шингээснээр орон сууцны үнийн огцом өсөлт сүүлийн жилүүдэд үүссэн юм. Мөн орон сууцны ипотекийн 8 хувийн зээл олгож эхэлснээр үнийн хөөрөгдлийг бүр ч бий болгосон.

Иймд өртөг талаасаа цаашид орон сууцны үнэнд урт хугацаанд өсөх хандлагатай олон хүчин зүйлс нөлөөлж байна. Харин богино хугацааны хямралын энэ үед тодорхой хэмжээний бууралт явагдсан ч эдийн засгийн хэвийн байдалд шилжсэнээр ирэх оны сүүлээр үнэ тогтворжиж, цаашид өсөх хандлагатай гэж судлаачид үзэж байна.