Шинэчлэлийн Засгийн газрын “Аймаг бүрт 1000 айл орон сууц” төслийн хүрээнд Төрийн орон сууцны корпорациас 2014 онд орон нутагт барихаар төлөвлөсөн орон сууцны барилгын тендер 6 аймагт зарлагдсанаас Увс, Архангай аймгуудын тендерийн сонгон шалгаруулалт явагдаж дууслаа.
Төслийн хүрээнд Увс аймгийн Улаангом суманд 105, Архангай аймгийн Эрдэнэбулган суманд 120 айлын орон сууцны барилга баригдах бөгөөд барилга угсралтын ажлын гүйцэтгэгчийг тодруулан барилга угсралтын ажил гүйцэтгэх гэрээг байгуулаад байна. Тус аймгуудад баригдах орон сууцны барилга нь энэ ондоо багтан ашиглалтад орохоор төлөвлөгдсөн билээ.
Мөн“Аймаг бүрт 1000 айл орон сууц” төслийн хүрээнд Хэнтий аймгийн Бор өндөр суманд баригдаж буй 20 айлын орон сууцны барилгын үндсэн карказ угсралтын ажил хийгдэж дуусан өрлөгийн ажил хийгдэж байна.
