Blog

   2008 оны 8-р сарын 6-ны өдөр НЗДТГ-ын хурлын танхимд Нийслэлийн иргэдийн хурлын төлөөлөгчид 2 дахь удаагаа ОССК-н гүйцэтгэх захирал Ж.Алдаржавхлан болон “40 000 орон сууц” хөтөлбөрийг хэрэгжүүлэгч банкны төлөөлөгчидтэй уулзаж ажил байдалтай нь танилцлаа. Уг уулзалт дээр хот хөдөөд баригдаж байгаа барилгын ажлын явц, банкуудад байршсан бондын хөрөнгийн зарцуулалтын талаар ОССК-ийн гүйцэтгэх захирал Ж.Алдаржавхлан тайлбар өгч, хичнээн барилга хаана хаана санхүүжүүлсэн болон урт хугацааны зээлд хэдэн хүн хамрагдсан нийт хичнээн тэрбум төгрөг зарцуулагдсан зэргийг мэдээлэв.Мөн төлөөлөгчдийн тавьсан асуултанд тодорхой хариулж, УБ хотын 7-р хорооллын төслийн ажлын явц, газар чөлөөлөхтэй холбогдон гарч буй тулгамдсан асуудлыг танилцуулав. Иргэдийн төлөөлөгчдийн хурлаас ОССК-г бие даасан эрх мэдэл бүхий байгууллага болох нь илүү үр дүнтэй ажиллах боломжтой болох юм гэж дүгнэн, орон сууцжуулах хорооллын газрыг чөлөөлөх асуудал дээр нийслэлээс тусалж ажиллах нь зүйтэй гэж үзсэн байна.