Blog

БНСУлсаас “Хот төлөвлөлт, орон сууц” чиглэлээр зөвлөх мэргэжилтэн ирлээ

БНСУ-ын Мэдлэг Эдийн Засгийн Яамны тусламжтайгаар хөгжиж буй орнуудад үзүүлдэг дэмжлэгийн хүрээнд Солонгосын Газар болон орон сууцны корпорациас /шинэ нэрээр/ “Хот төлөвлөлт, орон сууц” хөтөлбөрийн чиглэлээр манайд Зөвлөх мэргэжилтэн Пак Юн Чул ажиллахаар ирээд байна.

 Зөвлөх мэрэгжилтэн Пак Юн Чул нь 1 жилийн хугацаатай ажиллах бөгөөд ОССК болон нийслэлийн холбогдох байгууллагуудтай дараах чиглэлээр  хамтран ажиллана:

1.    Улаанбаатар хотын шинэ хорооллуудын хэсэгчилсэн ерөнхий төлөвлөгөөг хэрэгжүүлэх үйл ажиллагаанд БНСУ-ын ижил төстэй үйл ажиллагаанд хэрэглэсэн туршлагын чиглэлээр дэмжлэг туслалцаа үзүүлэх  /YII хороолол,  “Буянт-Ухаа” хороолол,  2030 хүртэлх ерөнхий төлөвлөгөө/

2.    Солонгосын хуучин хорооллыг чөлөөлж, орон сууцны шинэ  хороолол болгон хөгжүүлж байгаа туршлагаас Улаанбаатар хотын гэр хорооллыг дахин төлөвлөж хөгжүүлэхэд зөвлөлгөө өгөх

3.    Газар чөлөөлөх үйл ажиллагаанд  дагаж мөрдөх, хууль эрх зүйн орчныг боловсронгуй болгох, шинээр бий болгох

4.    Орон сууцаар хүн амыг хангах арга хэлбэрүүдийг монгол оронд тохируулан хэрэглэх боломжуудыг судалж шаардлагатай баримт бичгүүдийг боловсруулах  /Түрээсийн орон сууцны тогтолцоо, Чонсэй гэх мэт бусад хэлбэрүүд/

Солонгосын газрыг дахин хөгжүүлэхэд төрийн менежементийн талаар туршлага зөвлөлгөө авч ОССК-ийн хэтийн үйл ажиллагаaнд хэрэгжүүлэх хэтийн төлөвлөлтийг боловсруулахад идэвхитэй оролцох юм.