Хөшигийн хөндийн бүтээн босголтын асуудал хариуцсан ЗГ-ын төлөөлөгчөөр Д.Оюунхорол томилогдсон. Тэрээр Барилга, хот байгуулалтын сайд Б.Мөнхбаатартай уулзаж, Хөшигийн хөндийн бүтээн байгуулалтын зураг төслийн явцтай танилцлаа. Уулзалтад Барилга, хот байгуулалтын яам, Барилгын хөгжлийн төвийн газрын дарга нар оролцож талууд Хөшигийн хөндийн хэсэгчилсэн ерөнхий төлөвлөлтүүд, Зуунмод, Шинэ Зуунмод, Майдар төслүүдийг уялдаа холбоог сайжруулж, хамтран ажиллахаар боллоо.