Засгийн газрын 2009 оны 321 дүгээр тогтоолын 1 дэх заалт, 2009 оны 368 дугаар тогтоолоор батлагдсан “Төрийн албан хаагчдыг орон сууцны зээлд хамруулах журам”-ын шаардлагыг хангуулах, барилгын салбарын санхүүгийн хүндрэлийг шийдвэрлэх, төрийн албан хаагч төлбөрийн чадвартаа нийцсэн орон сууцыг сонгох боломжийг бүрдүүлэх зорилгоор “Зээлийн орон сууцанд тавигдах шаардлагыг хангуулах түр журам”-ыг ОССК-ийн ТУЗ-өөс 2010 оны 02 тоот тогтоолоор баталсан байна.
Тус журмаар Барилга угсралтын ажлын санхүүжилт нь 80-аас дээш хувьтай орон сууцыг төрийн албан хаагч сонгосон тохиолдолд эрх бүхий барилгын компани, харилцагч арилжааны банк, ОССК хамтран ажиллах гурвалсан гэрээ байгуулан “4000 орон сууц” хөтөлбөрт хамруулж, квотод хамрагдсан төрийн албан хаагчдад орон сууцны урт хугацаат зээл олгох юм. Уг журам нь нэг жилийн хугацаатай мөрдөгдөнө.
