Засгийн газрын 2020-2024 оны үйл ажиллагааны мөрийн хөтөлбөрийг хэрэгжүүлэх хүрээнд Барилга, хот байгуулалтын сайд Б.Мөнхбаатар, БХБЯ-ны Төрийн нарийн бичгийн дарга С.Магнайсүрэн нар яам болон “Газар зохион байгуулалт геодези, зураг зүйн газар”, “Барилгын хөгжлийн төв” ТӨААҮГ, “Төрийн орон сууцны корпораци” ТӨХХК, “Хот суурины ус хангамж, ариутгах татуургын ашиглалт үйлчилгээний зохицуулах зөвлөл”-ийн удирдлагуудын 2021 оны гүйцэтгэлийн төлөвлөгөөнд гарын үсэг зурж, баталгаажууллаа.

Уг үйл ажиллагаанд Барилга, хот байгуулалтын сайд Б.Мөнхбаатар, Төрийн нарийн бичгийн дарга С.Магнайсүрэн, Газар зохион байгуулалт, геодези зураг зүйн газрын дарга А.Энхманлай, “Барилгын хөгжлийн төв”-ийн захирал Ц.Амарсанаа, “ТОСК” ТӨХХК-ийн захирал Л.Батжаргал, Хот суурины ус хангамж, ариутгах татуургын ашиглалт зохицуулах үйлчилгээг зохицуулах зөвлөлийн дарга Ж.Батсуурь болон яамны газрын дарга, харьяа нэгжүүдийн удирдлагууд оролцлоо.

Сайд Б.Мөнхбаатар яамны газрын дарга нар болон харьяа газрын удирлагуудад 2022 оны Гүйцэтгэлийн төлөвлөгөөнд тусгагдсан зорилтоо хэрэгжүүлэн, төрийн үйлчилгээний чанар, хүртээмжийг нэмэгдүүлэн, шуурхай байдлыг хангаж, салбарын хэмжээнд хэрэгжиж байгаа томоохон төсөл, хөтөлбөрүүдийг эрчимжүүлэхэд онцгойлон анхаарч ажиллахыг чиглэл болгов.