Төрийн орон сууцны корпораци Улаанбаатар хотын Хан-Уул дүүргийн 10 дугаар хороонд байрших өөрийн эзэмшлийн 3,6 га газар, 4 дүгээр хороон дахь 16,5 га газарт Турк улсын “EYG” групптай хамтран орон сууцны төсөл хэрэгжүүлэх, хамтын ажиллагааны гэрээнд өнөөдөр гарын үсэг зурлаа.
Гарын үсэг зурах ёслолд ТОСК-ийн ерөнхий захирал А.Гантулга, тэргүүн дэд захирал Д.Алтанхуяг, дэд захирал Д.Оюунжаргал нар болон Турк улсын Станбул хот дахь Монгол улсын өргөмжит консул Э.Мөнх-очир, “EYG” группын Төслийн зохицуулагч, доктор профессер Мехмет Акиф Яасин нар оролцлоо.
