Гэр хорооллын дахин төлөвлөлт явуулахаар төлөвлөн ажиллаж буй орон сууцны “Эко-яармаг 1” хороолол нь Хан-Уул дүүрэг, Яармаг, 4 дүгээр хорооны 8 дугаар хэсгийн нутаг дэвсгэрт, хотын төвөөс баруун урагш 8 км зайд байрлалтай. Дахин төлөвлөлтөд хамрагдах газрын нийт хэмжээ 16,5 га талбайг эзэлнэ. Төлөвлөлт хийж буй “Эко-яармаг 1” хороолол нь баруун талаасаа үргэлжилсэн гэр хороололтой хиллэж, зүүн талаараа “Viva city” орон сууцны хороололтой залгагдаж, хойд талаараа Туул голтой зэрэгцэн оршино. Тус байршилд ТОСК нь “Эко-яармаг 1” 2376 айлын орон сууцны цогцолбор хороолол барихаар төлөвлөж байна. Үүнд:
- 2376 айлын орон сууцны барилга
- 400 хүүхдийн цэцэрлэг
- 640 хүүхдийн сургууль
- Спортын барилга байгууламж
- Оффис, худалдаа үйлчилгээний хэсэг
- Зам талбай, ногоон байгууламж
- Амралт, чөлөөт бүс
Инженерийн хангамжийн шугам сүлжээ барьж байгуулснаар цаашид үргэлжлэн хэрэгжих яармаг хорооллуудын эхлэл тавигдана.