ТОСК-ийн захиалгаар ҮББК-ийн гүйцэтгэсэн “Буянт-Ухаа 1” хорооллын барилгыг муу барьсан гэх шүүмжлэл оршин суугчдын зүгээс их ирэх болсон. Үүнтэй холбоотойгоор ТОСК-ийн ерөнхий захирал А.Гантулга холбогдох удирдлагууд, инженер техникийн ажилчдад оршин суугчдын гомдол саналыг богино хугацаанд шийдвэрлэхийг үүрэгдсэн.
Үүний дагуу ҮББК-иас онцгой байдал зарлан 7 хоногийн хугацаанд оршин суугчдад тулгамдаж байгаа асуудлыг шийдвэрлэхээр ажиллаж байна. Өнөөдрийн байдлаар 723, 724-р байрны цонхны асуудлыг бүрэн шийдвэрлээд байна. Нийт 48 өрх санал гомдол ирүүлээд байгаа бөгөөд оршин суугчдыг хүлээцтэй байж, утасныхаа дугаарыг тэмдэглүүлэхийг зөвлөж байна. Мөн ажлын хэсэг оройн 18-19 цаг хүртэл ажиллаж байгаа бөгөөд энэ амралтын өдрүүдэд ч ажиллах юм.
