Монгол Улсын Засгийн газар Жендэрийн үндэсний хорооноос Швейцарийн хөгжлийн агентлаг, НҮБ-ын Хүн амын сангийн “Жендэрт суурилсан хүчирхийлэлтэй тэмцэх нь” төслийн дэмжлэгтэйгээр Олон улсын эмэгтэйчүүдийн эрхийг хамгаалах өдөр, Монгол цэргийн өдрийг тохиолдуулан үндэсний хэмжээний “ХАРИЛЦАН ХҮНДЭТГЭЕ” нэг сарын аяныг зохион байгуулж байна.
Энэ удаагийн “Харилцан хүндэтгэе” аяныг “НАДААС, ТАНААС, БИДНЭЭС ЭХЛЭЛТЭЙ” уриатайгаар зохион байгуулж байгаа бөгөөд Жендэрийн Үндэсний Хорооноос харилцан хүндэтгэлтэй байя, эмэгтэйчүүдийн нийгэмд үзүүлэх үр нөлөө эмэгтэйчүүдийн манлайлал болон өсвөр үеийн жендэрийн талаарх ойлголт мэдээллийг нэмэгдүүлэх, цахим орчинд ялгавлан гадуурхалтыг багасгах агуулгаар зохион байгуулж буйгаараа онцлогтой юм.
Үндэсний хэмжээний тус аянд “Төрийн орон сууцны корпораци” ТӨХХК-ийн хамт олон нэгдлээ. Нийтээрээ“НАДААС, ТАНААС, БИДНЭЭС ЭХЛЭЛТЭЙ” хэмээн уриалж байна.
