Үл хөдлөх хөрөнгийн Тэнхлэг зууч, Актив зууч, Монголиан Пропертис компаниудын консорциум Монголбанкны захиалгаар хийсэн 2014 оны 11-р сарын “Орон сууцны үнийн индекс”-ийн (ОСҮИ) судалгааг олон нийтэд танилцуулж байна. Энэхүү индексийн тооцоололд тухайн сард Улаанбаатар хотод борлуулагдахаар зах зээлд нийлүүлэгдсэн шинэ, хуучин 3900 орон сууцны үнийг хамруулан тооцсон. Индексийн тооцооллын дата санд нийт 51600 орон сууцны мэдээлэл байна.
Тус судалгаагаар ОСҮИ 11-р сард суурь үе буюу 2013 оны 1 сараас 19.8 хувийн өсөлттэй гарлаа. Энэ нь өмнөх сараас -1.0 хувь буурсан үзүүлэлт юм. Ийнхүү Улаанбаатар хотын орон сууцны үнийн индекс 4 сар дараалан буурлаа.
Харин уг индексийг оны эхэн үетэй харьцуулахад 0.18 хувь өссөн бол, өнгөрсөн оны мөн үетэй буюу 12 сарын өмнөхтэй харьцуулахад 0.48 хувийн өсөлттэй байна. Эдгээр өсөлтийн хувиуд мөн 4 сар дараалан буурч байна.
Өөрчлөлтийн хувь
Өмнөх сартай харьцуулахад -1.0
Оны эхэнтэй харьцуулахад 0.18
Өмнөх оны мөн үетэй харьцуулахад 0.48
Эх сурвалж: Тэнхлэг зууч ХХК
