“Төрийн орон сууцны корпораци” Төрийн өмчит үйлдвэрийн газрыг өнөөдөр /2018.10.31/ Засгийн газрын хуралдаанаар Төрийн өмчит хязгаарлагдмал хариуцлагатай компани /ТӨХХК/ болгон өөрчлөв. Хариуцлага, хяналтын тогтолцоо, менежментийг нь сайжруулах, үр ашгийг нь дээшлүүлэх зорилгоор ийм шийдвэр гаргасан байна. Ингэснээр компани Төлөөлөн удирдах зөвлөлтэй болж, компанийн засаглалыг нэвтрүүлснээр гүйцэтгэх удирдлагад хяналт тавьж, хамтын шийдвэр гарган ажиллах боломж бүрдэнэ гэж үзлээ.
“Төрийн орон сууцны корпораци” Төрийн өмчит үйлдвэрийн газар нь 2013-2016 онд “Буянт-Ухаа-1”, “Буянт-Ухаа-2”, “Аймаг бүрт 1000 айлын орон сууц”, “Төрийн түрээсийн орон сууц” зэрэг төсөл, хөтөлбөрийг амжилттай хэрэгжүүлсэн байна.
