Өнөөдөр Барилга, хот байгуулалтын сайд Д.Цогтбаатар, дэд сайд Г.Байгальмаа нар Төрийн орон сууцны корпорацийн үйл ажиллагаа, цаашдын төсөл хөтөлбөрүүдийн талаар танилцлаа.
ТОСК-ийн ерөнхий захирал А.Гантулга өнгөрсөн хугацаанд хийж хэрэгжүүлсэн төсөл хөтөлбөр, энэ онд хэрэгжих ажлын тайланг танилцуулсан юм. Тодруулбал “Буянт-Ухаа 2” хороолол, “Аймаг бүрд 1000 айлын орон сууц” хөтөлбөр, Сингапур хороолол, “Эко яармаг” төсөл, 7-р хороолол зэрэг юм.
“Буянт-Ухаа 2” хороолол
Хан-Уул дүүргийн хоёрдугаар хорооны нутагт дэвсгэрт, нийт 28 га талбайд “Буянт-Ухаа 2” хорооллын эхний ээлжийн барилга энэ оны 2 дугаар улиралд ашиглалтанд орохоор төлөвлөгдсөн бөгөөд тус хороололд
- 48 ширхэг 9 давхар орон сууцны барилга,
- 60 ширхэг 12 давхар орон сууцны барилга,
- 1200 хүүхдийн хоёр сургууль,
- 240 хүүхдийн 4 цэцэрлэг,
- Спорт цогцолбор 2,
- Үзвэр үйлчилгээний төв,
- Худалдааны 12 төв,
- Долоон давхар 400 автомашины нэгдсэн гарааш зэрэг багтсан юм.
