“Төрийн Орон Сууцны Корпораци” ТӨХХК-ийн Гүйцэтгэх захирлыг түр орлон гүйцэтгэгч Б.Лхагва-Очир, Хөрөнгийн ашиглалт, зохицуулалтын газрын Ахлах мэргэжилтэн Б.Ганбат нар Төв аймгийн Баянчандмань сумын Засаг даргын урилгаар тус суманд очиж ажиллав.
Уулзалтын эхэнд тус сумын Засаг дарга Б.Ууганбилэг “Баянчандмань сум нь Улаанбаатар хотоос 72 км, аймгийн төвөөс 110 км зайд байрладаг, 1180 өрхөд 4268 хүн амьдардаг. Хүн амын тоогоор Төв аймгийн 26 сумаас эхнээсээ 6-д, газар нутгийн хэмжээгээр 26-д ордог, хүн амын нягтралаар хамгийн өндөр сум” болох тухай танилцуулж, үргэлжлүүлээд “Төрийн орон сууцны корпораци” ТӨХХК-тай хамтран орон сууц барих төсөл хэрэгжүүлэх хүсэлтэй байгаагаа дуулган, харилцан санал солилцлоо.
